"Азаттык+" программасынын алып баруучусу, Кыргыз-Түрк "Манас" университетинин журналистика факультетинин студенти.
"Мен тапканымдан көбүрөөк акча коротом. Айлыгым кийинки айга жетпей калат". Бул кырдаал сизге таанышпы? Же тапкан каражатыңызды кантип туура колдоном деп ойлонуп жүрөсүзбү? "Азаттык+" каржылык сабаттуулук жөнүндө талкуу уюштуруп, ушул суроолорго жооп издеди.
Чет өлкөдө иштегиси келген кыргызстандыктар үчүн жаңы багыттар ачылууда. Буга катар мамлекеттик миграциялык программалар да көбөйө баштады. Чет өлкөдө иштөө каалообу же муктаждыкпы? Мамлекеттик миграциялык программалар кандай иштейт? Бул суроолорго "Азаттык+" жооп издеди.
Социалдык тармактарда окуучуну ур-токмокко алып жаткан мугалимдин видеосу тарады. Бул окуя көпчүлүктүн талкуусуна алынып, ага катар ача пикирлер жаралды. "Азаттык+" бул ирет талашка жем таштаган окуя тууралуу жалаң окуучулардын оюн укту.
Интеллекттин жардамы менен өндүрүлгөн продукт азыр дүйнөдө жогору бааланат. Ал эми Кыргызстандагы креативдүү индустрия кандай деңгээлде? Чыгармачылык менен таланттын баасы канча? Биз бүгүн Кыргызстандагы креативдүү экономиканын маанисине токтолобуз.
Жогорку окуу жайды жана факультетти кантип тандоо керек? Окууга тапшырганда эмнелерге көңүл буруу шарт? "Азаттык+" бул жолу абитуриенттерге билим берүү тармагындагы адистерден кеңеш алып берди.
Жаздын келиши менен шаар тургундары өздөрүнө ылайыктуу спорт түрлөрү менен алектене баштайт. "Азаттык+" бул ирет кеңири жайылып, трендге айланган спорт түрлөрүн көрсөтөт.
Билим берүү министрлигинин 12 жылдык окуу жөнүндө сунушу коомдо эки ача пикирди жаратты. Демилгеге каршы чыккандар тармакта мындан башка реформалоого муктаж көйгөйлөр толтура экенин айтса, министрлик муну замандын талабы деп түшүндүрүүдө. "Азаттык+" ушул теманы талкуулады.
Ипотека, насыя, кооператив жаштардын өз алдынча үй сатып алышына чоң мүмкүнчүлүкпү? Шылуундардын тузагына түшүп калбоо үчүн эмнелерди билүү керек? "Азаттык плюстун" бул чыгарылышында турак жайлуу болуунун бир канча жолдору талкууланды.
"Азаттык плюс" өспүрүмдөргө жана алардын ата-энелерине жыныстык тарбия тууралуу пайдалуу берүү даярдады.
Ковбойлордун көк бөрү ойногонун көрдүңүз беле? Океандын ары жагында Көчмөндөрдүн спорт федерациясын түзүшүп, көк бөрүнү жайылтууга салым кошуп жаткан ковбойлор Кыргызстанга келишти. "Азаттык плюс" командасы алар менен жакындан таанышып, оюнга жана аттарга болгон сүйүүсүн көрсөтөт. Ковбойлордун көк б
13-мартта Бишкекте мектеп окуучуларына жана абитуриенттерге кесип тандоодо туура багыт берүүгө арналган чоң форум өттү. Иш-чарага катышкан 500 окуучу жана мектепти быйыл аяктап жаткан жаштарга ар тармактагы ийгиликтүү адамдар презентация жасашты. "Азаттык+" командасы да бул иш-чарага катышып келди.
Дүйнө жүзү боюнча кеңири тараган үстөл үстүндө ойнолчу оюндарды Адилет Аскаров кыргыз маданиятына ылайыкташтырып чыккан. Анын максаты оюндар аркылуу балдарды билим алууга кызыктырып, патриоттуулук сезимин күчөткүсү келет.
Азиза Абдирасулова жана Жанызак Абдирасуловдун чогуу түтүн булатып келе жатканына 44 жыл болду. Азиза Абдирасулова - укук коргоочу, "Кылым шамы" укук коргоо уюмун негиздеген. Жолдошу Жанызак Абдирасулов - өндүрүш альпинисти.
Маянанын аздыгына, оор шарттарга карабай, мамлекеттик кызматтарда иштеген жаштар арбын. Жаштарды мамкызматта эмне кармайт? Аларды эмне кызыктырат? "Азаттык+" бул чыгарылышта мамлекеттик кызматтагы жаштарды көрсөтөт.
Бишкекте "Балдарды коргоо борбору" коомдук фонду STEM GIRLS FEST 2022 аталышындагы мектеп жашындагы кыздар арасында илимий-техникалык көргөзмө уюштурду. Ага борбор калаадагы 61 мектептин 7-11-класстарынын окуучулары жасаган эң мыкты 30 долбоор тандалып алынган.
Баланын калыптанышына атанын салымы кандай? Бала тарбиялоодо ата кандай рол ойнойт? Эмнеге аталар декретке чыкпайт? Бүгүн кыргыз коомунда аталардын орду кандай? "Азаттык+" аталар жөнүндө талкуу курду.
Кыргызстанда никеге туруу курагы жылдан жылга жогорулап баратат. 2020-жылдагы статистикалык маалыматка ылайык, эркектер орточо 27 жашында, аялдар 23 жашында никеге турат. Социолог Али Үналдын изилдөөсүндө кыргыз жаштары үй-бүлө курууда маданий жана диний баалуулуктары дал келишине жана бирдей улуттан болушуна маани беришкени белгилүү болгон. Бул жолу "Азаттык плюс" жаштар менен үй-бүлө курууда маанилүү болгон критерийлерди талкуулады.
Жогорку Кеңешке депутат болуп шайланган Оразайым Нарматованы боршайком дипломуна байланыштуу мандатынан ажыратты. Бул коомчулукта дипломдун мааниси, салмагы тууралуу ар кандай талкууларга жем таштады. “Азаттык плюс” билим берүү тармагындагы адистер жана жаштар менен ушул маселени талкуулады.
Гүлайым Саматбекова шейшеп тигип сатып, кыргызстандыктардын орточо айлыгынанкөбүрөөк каражат табат. Эки баласы тең кичинекей болгондуктан бардык иштерин үйүнөн чыкпай эле интернеттин жардамы менен бүтүрөт. Баласы менен үйдө отурган аялдар да сөзсүз иштеши керек деген Гүлайымдын бизнеси тууралуу кене
2021-жыл кыргызстандыктар үчүн кандай жыл болду? Жаштар кандай жетишкендиктерге жетишти? Кандай жоготуулар болду? Узап бараткан жылга жаштардын көзү менен сарасеп салыңыз.
Дагы жүктөңүз
