Орусиянын финансы институттары АКШнын санкциясына кабылган жагдайдан улам, Кыргызстандагы кээ бир банктар 13-июнда орусиялык банктарга жана финансы институттарга айрым убактылуу чектөөлөр киргизилгенин жарыялашты.
Өзүн Team Insane Pakistan деп атаган хакердик топ Телеграм-каналына 600 миңден ашуун кыргыз жарандарынын жана компанияларынын жеке маалыматын ачыкка чыгарганын жарыялады. "Азаттык" бул маалыматтын чын-бышыгын иликтеп көрдү.
Кыргыз бийлиги өлкөдө жакырчылыкты жоюп, өнүгүү жолуна түшкөнүн жарыялады. Өлкө жетекчилиги Дүйнөлүк банк жана Бириккен Улуттар Уюму сыяктуу эл аралык абройлуу уюмдардын рейтингдерин мисал келтирди. Карапайым калктын жашоосу өзгөрдүбү?
Бишкектеги 18-майга караган түндөгү окуялардан кийин Кыргызстан менен Пакистандын расмийлери бир нече жолу жолугуп, бул өлкөнүн тышкы иштер министри сапар менен келип кетти.
Moody’s агенттигинин эл аралык насыя тобокелдиги боюнча рейтингинде Кыргызстан быйыл "тобокел" абалдан "туруктуу" деңгээлге келди деп бааланды.
Бишкектеги башаламандыкка 13-майда шаардагы хостелдердин биринде жергиликтүү тургундар менен чет элдиктердин мушташы себеп болгонун кыргыз бийлиги билдирди. Бишкек милициясы төрт күн бою мушташтын чоо-жайын териштире алган эмес. Жергиликтүүлөр күнөөлүүлөрдү өздөрү таап, жазалоону чечишкен.
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев парламентти камакта жаткан мурдагы бажычы Райымбек Матраимовго байланышы бар адамдардан “тазалоо” иштери аяктаганын, бирок алар мамлекеттик кызматтарда дагы деле бар экенин билдирди.
Кыргызстан менен Малайзия кайсыл багыттар боюнча кызматташа алат? Куала-Лумпур Бишкек үчүн эмнеси менен баалуу?
Кыргызстандан Орусияга ташылган жеңил автоунаанын саны кескин кыскарды. Статистикалык маалыматтар бул жааттагы эсеп былтыркыдан 83% азайып кеткенин көрсөтүүдө. Буга орус бийлигинин автоунаа импортун кескин кымбаттаткан чечими себеп болгон.
Улуттук банк эсептик ченди 11% түшүрдү. Эсептик чен буга чейин 13% деңгээлинде кармалып келген. Кыргызстандын башкы банкы өлкөдө инфляциялык процесстер төмөндөп баратканын, жылдык инфляциянын көрсөткүчү 2024-жылдын апрель айында 5,2% болгонун билдирүүдө.
Өкмөт кримтөбөл Камчы Көлбаевдин жана мурдагы бажычы, камактагы Райымбек Матраимовдун мамлекетке өткөн мүлкүн аукциондо сата баштады. Миллиондогон долларга бааланган бул мүлк кандай сатылат жана тартиби кандай болот?
Кыргызстанда алтын куймалары жөнүндө белгисиз бирөөлөр интернетке тасма жүктөгөндөн кийин аны журналист Болот Темиров иликтеп чыкты.
Кыргыз өкмөтү чет элдик эмгек күчүн тартуу боюнча 2024-жылдагы квотаны мурункудан 50% көбөйттү.
Сузактагы кырсыктан кийин Билим берүү министрлиги мектеп окуучулары тартылган массалык иш-чараларды токтотуу чечими кабыл алынганын билдирди.
Кыргызстанда мурдагы “Фрунзе”, азыркы “Азия” гипермаркеттер түйүнүнүн мурда-кийинки кожоюндары, бизнес-өнөктөштөр Болотмамбет Жээнбеков менен Өмүрбек Бабановдун мүлк талашкан чыры күчөдү. Ортодо маселени элге алып чыгууга киришкен журналисттин да жоопкерчилик маселеси козголууда.
Бишкекте Америка Кошмо Штаттары менен Кыргызстандын алакасын өнүктүрүү боюнча эки тараптуу сүйлөшүүлөр өтүүдө. Ага АКШнын Мамлекеттик департаментинин жооптуу жетекчилери келип катышууда. Бул сүйлөшүүлөр Кыргызстанда жарандык коомду чектеген мыйзамдар кабыл алынган учурга туш келди.
Британиянын тышкы иштер министри Дэвид Кэмерон Кыргызстанга иш сапары менен келди. Ал Бишкектеги брифингден кийин "Азаттыкка" маек курган учурда Кыргызстандын өнөктөштөрдү тандоо укугу болушу керек экенин билдирди.
Президент Садыр Жапаров 19-апрелде Казакстанда расмий сапары менен болду. Анын алкагында “Союздаштык мамилелерди тереңдетүү жана кеңейтүү жөнүндө” келишим жана башка бир катар документтерге кол коюлду.
Дагы жүктөңүз
